(Voltar para TPN - textos)

De: Chrestomathia da Lingua Brazilica (1859), Dr. Ernesto Ferreira França.
Após o texto na ortografia original, um tanto caótica, segue o texto com a ortografia do Método Moderno de Tupi Antigo.

Sinal da Cruz

Santa Cruz raangaba rece, orepycyron ïepe, Tupâ oieiar, oré amotarey mbâra, cuî Tuba, Tayra, Espirito Santo rera pupê. Amen Jesus.
Santa Cruz ra'angaba resé, oré pysyrõ îepé, Tupã oré îar, oré amotare'ymbara suí. Tuba, Ta'yra, Espírito Santo rera pupé. Amen Jesus.

Padre Nosso (Pai-Nosso)

Orerûb ybakepe tecoar, imoete pŷram ndecera toico tour nd Reyno tonhemonhang, nderemimotâra, ýbŷpe, ybakepe onhemonhanga ïabo, orê rêbiû, ara ïabiondoâra eimeeng cori orêbe: nde nhiron orê angaipâba recê, orebe ore recomemoaçâra, çupê, orê nhiron ïabê, orê moarocar umê eipe tentação pupé orê pycŷron iepé mbaë aîba çüi. Amen Jesus.
Oré rub ybákype tekoar, i moetepýramo nde rera t'oîkó; t'our nde Reino; t'onhemonhang nde remimotara ybýpe, ybákype i nhemonhanga îabé; oré rembi'u 'ara îabi'õndûara eîme'eng kori orebe; nde nhyrõ oré angaîpaba resé orebe, oré rekomemûãsara supé oré nhyrõ îabé; oré mo'arukar umẽ îepé tentação pupé; oré pysyrõ îepé mba'eaíba suí. Amen Jesus.

Ave Maria

Ave Maria graça rece tyri cembaë nde irunamo nde Jara recou, imombeu catû pŷram ereicô cunhamçui, imombeu catû pŷrabe ndemembŷra Jesus Santa Maria Tupã cŷ e Tupã monghetâ orê angaipabarece Coyr, oiar, oréiekŷ, i orê ni mebíno. Amen Jesus.
Ave Maria, graça resé tynysémba'e, nde irũnamo nde Îara sekóû; i mombe'ukatupýramo ereîkó kunhã suí; i mombe'ukatupyra bé nde membyra Jesus. Santa Maria, Tupã sy, etupãmongetá oré angaîpaba resé. Ko'yr, (...) oré îekyî oré (...) Amen Jesus.

Credo

Arobia Tupã Tuba opacatû mbaë tetiruanmonhanga ei catûbaë ybaca, ybŷabê momonhangâra. Arobiar Jesus Christo abé Tayra oïepebaë, a cê Jâra: Espirito Santo imonhangabe, pitangamo onhemonhanghbaë püêra, aëbaë öaî Maria ababy cagoereŷma, cuî — Poncio Pilato Morobixabamo cecoreme cereco memoambyramo cecoû ybyrâ ïoá, cabareçe, imoïaripŷramo cecou, eiucapŷramo cecou, éjucapŷramo, etimymbŷramo. Ogoegîb ybŷpytêripe ara mocapytâ pupê omanobaë puêra çuî, cecobê jebŷr ojêup ir ybâkepe Tupã Tuba opacatûbaë tetiruan monhanga eicatubaë eicatuaba cotycere aë çui tûri oicobebäé omanôbäé poêra pabê recomonhangane:
Arobiar Espirito Santo,
Arobiar Santa Igreja Catholica,
Arobiar Santos recocatû ïemoäó ïaóca,
Arobiar teco angai paba rece moroupê Tupã nhiron.
Arobiar acêrecobê ïebyrivŷama.
Arobiar tecobê opab aërameyma.
Amen Jesus.

Arobîar Tupã Tuba opakatu mba'e tetirûã monhanga e'ikatúba'e, ybaka, yby abé monhangara. Arobiar Jesus Cristo abé, Ta'yra oîepéba'e, asé Îara: Espírito Santo i monhangaba, pitángamo onhemonhangyba'epûera, a'éba'e o'ar Maria abá bykagûere'yma suí — Pôncio Pilatos Morubixábamo sekóreme, serekomemûãmbýramo sekóû, ybyraîoasaba resé i moîarypýramo sekóû, i îukapýramo sekóû, i îukapýramo, i tymymbýramo. Ogûeîyb yby pytérype, 'ara mosapyra pupé omanõba'epûera suí sekobeîebýri, oîeupir ybákype, Tupã Tuba opakatu mba'e tetirûã monhanga e'ikatúba'e ekatuaba koty resé, a'e suí túri oîkobéba'e omanõba'epûera pabẽ rekomonhángane:
Arobîar Espírito Santo,
Arobîar Santa Igreja Católica,
Arobîar Santos rekokatu îemoîa'o-îa'oka,
Arobîar tekoangaîpaba resé moroupé Tupã nhyrõ,
Arobîar asé rekobeîebyrama,
Arobîar tekobé opaba'erame'yma.
Amen Jesus.

Mandamentos da Santa Madre Igreja

Sinco Santa Madre Igreja a cê recomonhangâba.
  1. Domingo rece ara marante-coabeŷma recebê Missa rendûba.
  2. Ceixû ïabion nhemombeû.
  3. Paschoa ïabion Tupã râra.
  4. Santa Madre Igreja ïecucupoaïabion ieçuacûba.
  5. Opacombô iabion Tupã, cupê oïepe acê mbaë moïaôca oemitymbuerypŷ pupê Tupã potâ meengano.
Cinco Santa Madre Igreja asé rekomonhangaba:
  1. Domingo resé 'ara marãtekoabe'yma resebé Missa renduba.
  2. Seîxu îabi'õ nhemombe'u.
  3. Páscoa îabi'õ Tupã rara.
  4. Santa Madre Igreja (...) îabi'õ îekuakuba.
  5. Opá-kó-mbó îabi'õ Tupã supé oîepé asé mba'e moîa'oka oemitymbûerypy pupé Tupã (...).

Sacramentos da Santa Madre Igreja

Sete Santa Madre Igreja Sacramentos.
  1. Nhemongaraipa.
  2. Acê cybâpe abarê guaçû nhandŷ caraiba nonga.
  3. Tupã rârâ.
  4. Nhemombeû.
  5. Açêreon ïanondê nhandy caraiba râra.
  6. Nhemoabarê.
  7. Mendâra.
Sete Santa Madre Igreja Sacramentos:
  1. Nhemongaraíba.
  2. Asé sybape abaregûasu nhandykaraíba nonga.
  3. Tupã rara.
  4. Nhemombe'u.
  5. Asé re'õ îanondé nhandykaraíba rara.
  6. Nhemoabaré.
  7. Mendara.

Peccados Mortaes (Pecados Mortais)

Sete opacatû angai pâba nhemonhangâbypŷ.
  1. Morobiareŷma.
  2. Tecateŷma.
  3. Moropotâra.
  4. Nhemoiron.
  5. Mbaë û meme caû etê, etê.
  6. Aba mbaë catû moacŷ.
  7. Tupã reco recê nhemboryry eŷma.
Sete opakatu angaipaba nhemonhangabypy:
  1. Morerobîare'yma.
  2. Tekoate'yma.
  3. Moropotara.
  4. Nhemoyrõ.
  5. Mba'e'u memé, ka'ueté-eté.
  6. Abá mba'ekatu moasy.
  7. Tupã rekó resé nhemboryryîe'yma.

Novissimos do homem (Novíssimos do homem)

Quaro abâ recômondicaba.
  1. Teon.
  2. Tupã acê rero cupâba.
  3. Anhangatâ.
  4. Ybâkepe torŷba.
Quatro abá rekomondykaba:
  1. Te'õ.
  2. Tupã asé rerokupaba.
  3. Anhangatá.
  4. Ybákype toryba.

Virtudes Theologaes (Virtudes Teologais)

Moçapŷr teco catû Tupã monbegoaba.
  1. Tupan rerobiâra.
  2. Tupan receierobiara.
  3. Tupan rauçûba.
Mosapyr tekokatu Tupã mombegûaba:
  1. Tupã rerobîara.
  2. Tupã resé îerobîara.
  3. Tupã raûsuba.